Walls edseäd scho undeä aaneä Bäesoon gfeäli wäedd,
blaibi wi ogedrood dahamm,
un dess gannseägoä allaans.

Schaui obbäe nain Bodschbiigl,
glodsd do aanäe raus,
un miäe sänn scho widdeä dseä dswaid;
undeä Obsdond is dseä weng.

Fraili sämmeä aindoidich veäwond,
wenn aa nedd jurisdisch,
walls füä Schbiiglbildeä kann Veäwondschofdsgrod gibbd.

Un essis neddmoll rodsamm dsamm middemm in Schbiigl,
wallmeä uns nedd mööng,
allso vowecheä Schdallking un hoislicheä Gewold.

Obbeä denn Schbiigl dsudseähänga,geed aa nedd,
walls a Doodnsümbool wäe;
un dess Schdeäm is aa veäboodn.

Fai bloos kann Konndaggd middn Dood,
wallsi deä di Griffl nedd weschd
un ums Veärräggn kann Mundschudds dräächd!

Stefan Fröhling