Der Gabelmann erinnert sich

Naidich wor ich. Richdich naidich.

Ols sä den Brunna am Magsblods so schö mid echdä Eijä behängd hom. Weil sä su fruh woarn füar sei kühls Noss im Summä, di Gärdnera hom sich ja dord a immä erfrischd.

Dochelang homsä sä ausgeblousn und bemold. Manchä sän a kabudd gäganga dabai. On Schnürla homsä sä aufgahängd und suu schöns Grün mid higahängd – nadürlich echdes, Buchs und Danna.

Und edsadla? Mir homsä Blasdiggrün nogahängd und Blasdigaiä. Ka Gärdnera hod sä ausgeblosn, kaa Kinnä bamoold – schood drum.